مژارا جینۆسایدێ د ئەدەبیاتێدا كۆمكوژیێن ئێزدییان، د ڕۆمانا چیرۆكا گزیرتەدا یا (یاشار كەمال) وەكو نموونە
Keywords:
جینۆساید, ئەدەبیات ڕومان, کۆمکوژیێن ئێزدییانAbstract
ئەدەبیاتا زارەكی و نڤێسكی، ب تنێ هێڤێنێ بابەتێن خۆ، ژ دیاردێن جڤاكی، حەژێكرنا دلان، دەروێشی و ئالیێ ڕۆحی وەرناگرن، بەلكو ژ دەردسەرى و ژانێن ژیانا مللەتان ژی وەردگرن یێنکو بووینە پشکەک ژ بیردانكا ئەوان. بۆ هندێ خەلک دەردەسەریێن خۆ ژبیرنەکەن ب زانین ئەو دەردەسەرى ب رێیا ئەدەبیاتا زارەکى د بیردانکا خۆدا پاراستینە، هەمان مژار ژ ئەڤێ ئەدەبیاتێ دەربازى ئەدەبیاتا نڤیسکى (کلاسیکى)، بوویە، پاشى ئەدەبیاتا نوو، د ناڤ ئەدەبیاتا نوودا، ڕۆمان بوویە سەربەهر د بەلگەکرن و ڤەگوهاستنا تاڵى و دەردسەریێن خەلكیدا، ل سەر ئەڤی بنەمای ئەڤ ڤەكولینە ل سەر بەرگێ ئێكێ و دوویێ چوارینەیا ڕۆمانا چیروكا گزیرتە یا (یاشار كەمال) هاتییەکرن. ژبەرکو نڤیسەرى د کۆکا ئاڤاکرنا ڕۆمانا خۆدا، پالپشتى ل سەر دوو تشتنا کریە یا ئێکێ ئەدەبیاتا زارەکى یا گەلێن ئەنادولێ ب گشتى و کوردان ب تایبەتى، یادووێ ئەو دەردەسەریێن ب سەر ئەوى خەلکیدا هاتین ب گشتى ئێزدییان ب تايبەتى، کو بووینە پشکەک ژبیردانکا خەلکى و بۆ وى هاتینە ڤەگێران. ئەڤ ڤەکولینە د چارچوڤێ رێبازا رافائیل لێمكین یا شروڤەكاری، بۆ كێشەیێن كۆمكوژیێ هاتییە پراکتیزەکرن، دهەماندەمیدا مە هەولدایە ل گۆری هەمان ڕێبازێ ب تایبەت خالا دووێ و سێیێ ژ ڕێبازا ناڤبرى کو ئەگەرێن ئەنجامدانا جینۆسایدێ، پێشڤەچوونا بەهایێن کۆمکوژیێ و ڕێک و تەکنیکێن وێ ب خوڤەدگرن، هەبوونا جینوسایدێن ئێزدییان دچارچوڤێ بەرگێ ئێکەم و دووەم یێ ڕۆمانا ناڤبرى دیار و پەسەند بكەین.
