تێگەھ و جۆرێن جینۆسایدێ: ڤەکۆلینەکا مێژووی
Keywords:
جینۆساید, نەتەوەیێن ئێکگرتى, پەیمانا قەدەغەکرنا قرکرنێ, جۆرێن جینۆسایدێ و بنەماێن جینۆسایدێAbstract
جینۆساید ب ئێک ژ هۆڤانەترین کڕیارێن ژ ناڤبرنا مرۆڤان دهێتە نیشان دا، بڤێ کڕیارێ دەستهەلاتدارێن تۆندرەو و نەدیموکراسى وەک ئامیرەک سیاسى بۆ ترساندن و ژناڤبرنا خەلکێ ب دژى دەستهەلاتا وان بکاردئینن، بێگۆمان ئارمانجا سەرەکى یا وان دەستهەلاتا ژناڤبر وى رەگەزى یە یێ داخوازا مافێن خۆ و یەکسانێ دچوارچووڤێ دەستهەلاتێن وان دا دکەن. ژلایێ خۆ ڤە ئەو دەستهەلات وان ب مەترسى بۆ سەر هێز و پێگەهێن خۆ ل پاشەرۆژێ دبینن و نەشێن بڕێکێن لەشکەرى وان ژناڤببەن. لەوڕا نەچار دبن پەنایێ دبنە بەر بکارئینانا چەکێن جۆراجۆر داکۆ وى رەگەزى بترسینن و بێژنێ هەردەمێ هین ژ سنۆرێ دەستهەلاتێ دەربازبوونێ هەوە مافێ ژیانێ نینە و دێ هێنە قرکرن. لدۆیڤ ئەڤى تێگەهى ب فەر هاتیە زانین ڤەکۆلینە ل سەر تێگە و جۆرێن قرکرنێ بهێتە ئەنجام دان، چونکى قرکرنێ نە بتنێ بکوشتنێ دهێتە پەیرەوکرن.
ئەڤ ڤەکۆلینە ژ پێشەکى، دەرازینک و پێنچ تەوەران پێک دهێت، پێشەکى باسێ پێکهاتێن ڤەکوۆلینێ دکەت، د دەرازینکا خۆ دا، ڤەکۆلین هەولدەت گرنگترین تێگەهێن دەربارەیى جینۆسایدێ هاتینە دیارکرن نیشان بدەت، تەوەرێ ئێکێ یێ ڤەکۆلینێ روونکرنا ددەت سەر جینۆسایدا جەستەیى، تەوەرێ دووێ یێ ڤەکۆلینێ جینۆسایدا بایلۆژى شرۆڤە دکەت، د تەوەرێ خۆ یێ سیێ دا ئاماژێ ب ژناڤبرنا کەلتۆرێ نەتەوەیى ددەتن، ڤەکۆلین د تەوەرێ خۆ یێ چوارێ دا باسێ قرکرنا ئابۆرى دکەت، تەوەرێ پێنچێ یێ ڤەکۆلینێ شیکاران ددەت سەر قرکرنا بڕێکا یاسایێ.دتەوەرەێ خۆ یێ شەشێ دا ئاماژێ ب جینۆسایدا ئایینى ددەت، هەروەسا د تەوەرەێ حەفتیێ یێ ڤەکۆلینێ شرۆڤەکرن ل سەر جینۆسایدا رەوەشتى هاتینە دان. دەرئەنجام وان دەرئەنجامان نیشان ددەت یێن دماوێ ڤەکۆلینێ دا هاتینە خۆیا کرن.
