به‌رپرسیارێتى کۆمه‌ڵایه‌تیی دامه‌زراوه‌کانى ڕاگه‌یاندن له‌ هه‌ڵمه‌تى به‌ره‌نگاربوونه‌وه‌ى په‌تاى کۆرۆنا (کۆڤید 19) له‌هه‌رێمى کوردستاندا

Abstract

ئه‌م توێژینه‌وه‌یه‌ به‌ناوونیشانى: به‌رپرسیارێتى کۆمه‌ڵایه‌تیی دامه‌زراوه‌کانى ڕاگه‌یاندن له‌ هه‌ڵمه‌تى به‌ره‌نگاربوونه‌وه‌ى په‌تاى کۆرۆنا (کۆڤید 19). توێژینه‌وه‌یه‌کى وه‌سفییه‌ له‌جۆرى ڕووپێوى، به‌هۆى بڵاوبوونه‌وه‌ى ئه‌و په‌تا جیهانییه‌ له‌کاتى گه‌رمه‌ى ڕوودانى په‌تاى ناوبراو له‌هه‌رێمى کوردستاندا ئه‌نجامدراوه‌. گرنگى و بایه‌خى توێژینه‌وه‌که‌ ئه‌وه‌یه‌، که‌باس له‌ به‌رپرسیارێتى کۆمه‌ڵایه‌تیی دامه‌زراوه‌کانى ڕاگه‌یاندن له‌کاتى قه‌یرانه‌ ته‌ندروستییه‌کاندا ده‌کات. به‌ئامانجى ده‌ستنیشانکردنى سرووشت و ئاستى به‌رپرسیارێتى ئه‌و دامه‌زراوه‌ و که‌ناڵانه‌ له‌و کاته‌دا له‌به‌رامبه‌ر جه‌ماوه‌ر. هه‌روه‌ها ڕاده‌ى متمانه‌ى جه‌ماوه‌ر به‌جۆر و سه‌رچاوه‌ى زانیارییه‌ په‌خشکراوه‌کانیان له‌لایه‌ن که‌ناڵ و دامه‌زراوه‌کانى ڕاگه‌یاندنى هه‌رێمى کوردستانه‌وه‌ .