هەلۆیستێ نێڤده‌وله‌تى و هەڕێمى ژ جینۆسایدا رواندا یا ساڵا 1994 « خواندنەکا مێژوویى و بەڵگەنامەیى»
Keywords:
رواندا, هووتى, تووتسى, ئه‌فریقيا, جینۆسایدا, ده‌ستهه‌لات, هەلۆیستى نێڤده‌وله‌تیى و هه‌رێمیىAbstract
جینۆسایدا رواندا ئێك ژ ترسناكترین جۆرێن جینۆسایدێ بوو ل ئه‌فریقا هاتیه روویدان، ئه‌ڤ جینۆسایده دهێته نیاسین ب ئێكه‌مین جینۆساید، كۆ خه‌لكێ وه‌لاته‌كێ ب دژى هه‌ڤ ره‌گه‌زێن خۆ ئه‌نجامبدابیت و دچیته خانه‌یا هۆڤانه‌ترین كریارا چه‌رخێ بیستێ دا. ژبه‌ر هندێ ئه‌ڤێ جینۆسایدێ دماوه‌یه‌كێ كورت دا ل جیهانێ ره‌نگڤه دا، دهه‌مان دەم دا، جڤاكێ نێڤده‌وله‌تى هنده‌ك جۆرێن جودا یێن هەلۆیستان هه‌مبه‌رى ئەڤێ جینۆسایدێ په‌یره‌وكرن، كۆ ده‌ربرین ژ به‌رژه‌وه‌ندیێن ئەوان ل ئەو وه‌لاتى دكرن. له‌وڕا بفه‌ر هاتیه دیتن ڤه‌كۆلینه‌ك لدۆر ئەڤى بابه‌تێ گرنگ بهێته نڤێسین.
ئارمانجا سەرەکى یا ئەڤێ ڤەکۆلینێ دیارکرنا هووردەکارێن لپشت ئەوێ جینۆسایدێ و سیاسەتا دەولەتێن زلهێز مینا بەلژیکا، بەڕیتانیا، فەرەنسا و ویلایەتێن ئێکگرتیێن ئەمریکا هەمبەرى ئەوێ ڕویدانێ ب چ ڕەنگ بوو.
دگەل نڤێسینا خۆ ئەڤ ڤەکۆلینە دێ هەولددەت بەرسڤا هندەک مژارێن ب ڕوودانێ ڤە گرێدایى بدەت مینا ئەگەرێن ڕوودانا جینۆسایدکرنا ڕواندنا چ بوون؟ سیاسەتا وەلاتێن هەڕێمى و نێڤدەولەتى بەرامبەرى ئەڤێ ڕویدانا تراژدى چەوابوو؟ ئایە هەلۆیستێ ڕێکخراوێن نێڤدەولەتى نەخاسمە رێکخراوا نەتەوەیێن ئێکگرتى بەرامبەرى پێشهاتێن ئەوێ جینۆسایدێ چ بوون؟. ئایە ئەڤێ ڕوودانێ چ کاریگەرى ل نەتەوەێن ڕواند کرییە دا هزرێ دپێکڤە ژیانێدا بکەن؟.
