روانگەيەكى پێشنياركراو به پێى قوتابخانەى هەست بۆ گەشەپێدانى لێهاتوویى نواندن لاى خوێندكارى پەيمانگاى هونەرەجوانەكان

Abstract

هەتا ئێستا لە کوردستان رێبازەکەی ستانیسلاڤسکیی وەک میتۆدی خوێندنی بابەتی نواندن لە پەیمانگاکانی هەرێم، بەشی شانۆ، بۆ قۆناغەکانی یەکەم و دووەم و سێیەم پەیڕەو دەکرێت، ئەم توێژینەوەیە بە لێکدانەوە و ناسینی بنەماکانی رێبازەکەی ستانیسلاڤسکیی و بە مەبەستی هەنگاونانی پراکتیکیی و روونکردنەوەی ئەو راستییەی کە کۆپیکردنەوەی میتۆدەکەی ستانیسلاڤسکیی بەبێ نوێکردنەوە و داهێنانی ئیتۆدی گونجاو، ناتوانێت جۆرە خوێندکار یان شانۆکارێکی داهێنەر بەرهەم بهێنێ و لە رێگەی ناساندنی ستێلا ئادلەر وەک پەیرەوێکی قوتابخانەکەی ستانیسلاڤسکیی کە بە ئیتۆدی نوێ، کارایی ئەم سیستمەی گەشە پێداوە و بە پشتبەستن بەو باوەڕەی ستانیسلاڤسکیی کە خوێنەر لە چۆنیەتی پراکتیزەکردنی رێبازەکەی ئازادە، بە دارشتن و پیشنیارکردنی چەند ئیتۆدێک هەوڵی گەشەپێدانی لێهاتووییەکانی نواندنی خوێندکاری ئەم بەشە و دواتر را‌هێنەر و شانۆکارەکان، دەخەینە بەردەست. هەوڵی دۆزینەوەی ئیتۆدی نوێ دەرگا بە رووی نوێبوونەوەی وانەی نواندندا دەکاتەوە و هانی راهێنەرەکانی ئەم بوارە و خوێندکاران دەدات سڵ لە داڕشتنی ئیتۆدی نوێی پەیوەست بە رێبازی ریالیزمییانەی نواندن نەکەنەوە و بەم هۆیەوە ببینە خاوەن ئیتۆدی نوێ.