شیكردنه‌وه‌ی شوێنی ژاوه‌ژاوی مۆلیده ئه‌هلییه‌كانی شاری رواندز به به‌كارهێنانی سیسته‌می زانیاریی جوگرافیایی (GIS)
الكلمات المفتاحية:
شیكردنه‌وه‌ی شوێنی، پیسبوونی ژاوه‌ژاو، شاری رواندز، سیسته‌می زانیاری جوگرافیایی (GIS).الملخص
گرفته ژینگه‌ییه‌كان له‌رۆژگاری ئه‌مڕۆدا گۆشه‌یه‌كی گه‌وره‌یان له لێكۆلینه‌وه ئه‌كادیمییه‌كان داگیركردووه و رۆژ دوای رۆژ ئه‌م گۆشه‌یه گه‌وره‌تر ده‌بێت، به‌هۆكاری زیادبوونی گرفته‌كان له‌گه‌ڵ پێشكه‌وتنه‌كانی مرۆڤ له‌لایه‌ك و ده‌ركه‌وتنی زیاتری كاریگه‌رییه نه‌رێنییه‌كانی پیسبوونی ژینگه له‌سه‌ر مرۆڤ و بوونه‌وه‌ره زیندووه‌كانی دیكه له‌لایه‌كی دیكه‌وه. له‌م روانگه‌یه‌وه لێكۆڵینه‌وه له گرفتێكی ژینگه‌یی تایبه‌ت، وه‌ك گرفتی پیسبوونی ژاوه‌ژاو به‌كارهێنانی ته‌كنیكه‌كانی سیسته‌می زانیاری جوگرافیایی (GIS) بایه‌خێكی زیاتر په‌یدا ده‌كات به‌تایبه‌ت بۆ شارێكی وه‌ك رواندز كه مه‌ڵبه‌ندێكی گرنگی راكێشانی گه‌شتیارانه‌و توانستی زۆری گه‌شتوگوزاری تێدا به‌دی ده‌كرێت.
ئامانجی ئه‌م لێكۆڵینه‌وه‌یه بریتییه له شیكردنه‌وه‌یه‌كی جوگرافییانه بۆ دابه‌شبوونی پیسبوونی ژاوه‌ژاو له‌سه‌نته‌ری شاری رواندز و به‌به‌كارهێنانی ته‌كنیكه‌كانی سیسته‌می زانیاری جوگرافی، له‌پێناو گه‌یشتن به ده‌ستنیشانكردنی باشترین رێگا بۆ چاره‌سه‌ركردنیان. له‌سۆنگه‌ی گه‌یشتن به ئامانج، لێكۆڵینه‌وه‌كه دابه‌شی سه‌ر سێ ته‌وه‌ره كراوه، ته‌وه‌ری یه‌كه‌م، بریتییه له ئه‌ده‌بیاتی لێكۆڵینه‌وه كه تیایدا هه‌ریه‌ك له چه‌مك و زاراوه‌كان و لێكۆڵینه‌وه به‌راییه‌كان روونكراوه‌ته‌وه، ته‌وه‌ری دووه‌م بریتییه له هه‌نگاوه‌كانی لێكۆڵینه‌وه، ته‌وه‌ری سێیه‌میش ته‌رخانكراوه بۆ ئه‌نجام و گفتوگۆ تیایدا شیكردنه‌وه‌ی شوێنی بۆ ئاسته‌كانی ژاوه‌ژاو، به‌راوردكردنیان به یاسا به‌ركاره‌كان كراوه، لیكۆڵینه‌وه‌كه گه‌یشتووه‌ته ئه‌و ئه‌نجامه‌ی ژاوه‌ژاو له شاری رواندز 12-18 دیسیبڵ له‌به‌رزترین سنووری رێگه‌پێدراو به‌گوێره‌ی یاسای په‌رله‌مانی كوردستان زیاتره.
